Livonijas ordeņa mestrs Monheimas Eberhards izlēņo Dravas Albertam vienu arklu zemes pie Usmas ezera, bet otru Vārē (?), kurus agrāk bija valdījis zemgalis Tiģis.
[Rīgā, 1334.gada 2.janvārī.]
_____________________________________________________________________________
Universis Christi fidelibus, ad quos presentes littere pervenerint, frater Eu[erhardus]
de Munhem mag[iste]r fr[atru]m Teuto[nicorum] per Lyvoniam salutem in domino
sempiternam. Noveritis, quod de consilio fratrum nostrorum discretorum Alberto
de Drauen et suis veris heredibus, ostensoribus presencium, unum uncum de duobus
uncis, sitis in Sardenekke circa humectum, id est Syip Assme dictum, quod eosdem
duos uncos dividit et distinguit, quos Tyghe semigallus quondam possidebat,
illum videlicet uncum, qui situs est in illo latere humecti, quod est versus
villam Drauen; item unum uncum de duobus uncis in Waren sitis circa viam
publicam et antiquam a castro Talsen versus villam Vizeden ducentem, quos idem
Tyghe similiter possiderat aliquando, inter quos facta est divisio et distinctio
per cruces interpositas probabilis et distincta, illum videlicet uncum, qui est
vicinior dicto castro, cum omnibus eorum attinenciis contulimus absque census
persolucione et laboris factione libere et perpetue possidendos. In cuius rei
testimonium sigillum nostrum presentibus est appensum. Actum et datum Rige in
crastino circumcisionis domini anno eiusdem a nativitate MCCCXXXIIII.
______________________________________________________________________________
Avots: Zeids, T. Trīs dokumenti par feodālā īpašuma attīstību Kursā. Grām.: Vēstures problēmas. 4.sējums. Rīga: Latvijas PSR Zinātņu akadēmija, 1961. 6.-7.lpp.
Dokumenta tulkojums latviešu valodā
Ievietots: 16.08.2001.