Rīgas, Tērbatas un Sāmsalas bīskapu un Livonijas ordeņa mestra līgums par Livonijas konfederācijas izveidošanu.
[1243.gada 1.oktobrī, Rīgā]
_________________________________________________________________
Nicolaus, Dei gratia Rigensis, H[ermannus]
Tarbatensis, H[enricus] Osilie episcopi, et frater A[ndreas], gerens vicem
magistri per Livoniam, Estoniam et Gwyroniam cum omnibus commendatoribus suis
universis presentem literam inspecturis salutem in nomine Iesu Christi. Quum
omne regnum in se divisum desolabitur, et frater, qui adiuvatur a fratre, sit
quasi civitas firma, videtur expedire, ut nos, quos una causa eademque voluntas
immediate sub uno capite, domino papa, ad excolendam Domini vineam in gentibus
adunavit, nobis vicissim feramus consilium et auxilium oportunum. Hinc est, quod
nos de communi consensu in Rigensi convenimus civitate et datis dextris
compromisimus fideliter, ut quicumque ex nobis et a quocumque impetatur iniuste
reliqui pro bono pacis se interponant ad concordandum, si expedit, fideliter
collaborent, et si concordare non valent, vel non expedit, hunc, qui impugnatur
vel impetitur, iuvabunt reliqui, omni simulatione et dolo penitus excluso,
potenter, patenter, viriliter et audacter, nec in preudicium alterius aliquis ex
nobis cum adversariis occulte vel manifeste, pendente causa dissensionis,
concordiam attentabit, sed omnes unanimiter et indefesse resistendo adversariis
finem expectabimus, similiter omnibus complacentem. Qui vero transgressor
compromissionis huius fuerit, satisfaciet de fide violata secundum beneplacitum
ceterorum, et ne compromissio nostra pro conservatione novelle ecclesie facta et
mutua dilectione et concordia conservanda, a quoquam nostrum valeat irritari,
conscribi fecimus et sigillorum nostrorum munimine roborari. Datum Rige anno
Domini nostri Iesu Christi MCCXLIII kalendis Octobris.
___________________________________________________________________
Avots: Latvijas vēstures avoti. 2. sēj.: Senās Latvijas vēstures avoti. 2.burtnīca. Red. Švābe, A. Rīga: Latvijas Vēstures institūta apgāds, 1940., Nr.258, 248.lpp.
Publicēts arī: Schirren, C. 25 Urkunden zur Geschichte Livlands im 13. Jahrh. Dorpat 1866, n.10.
Dokumenta atrašanās vieta: Dānijas valsts arhīvs Kopenhāgenā, Sāmsalas reģistratūra, Nr.1a, 232.-233.lp.
Ievietots: 12.03.2002.